तीन जना मृत अवस्थामा फेला

काठमाडौं । काठमाडौंको तारकेश्वर नगरपालिका–६ धर्मस्थली महाँकाल डेरा गरी बस्ने मोरङ पथरी नगरपालिका–१ घर भएका ३७ वर्षीय कुलबहादुर खत्री आफ्नै कोठाभित्र मृत अवस्थामा फेला परेका छन् ।

कास्कीको पोखरा महानगरपालिका–३३ भरतपोखरी वरपौवा बस्ने ६० वर्षीय बलबहादुर नेपाली आफ्नै घरभित्र खाटमा मृत अवस्थामा फेला परेका छन् ।

जाजरकोटको छेडागाड नगरपालिका–९ पजारुस्थित कालापहाडको जंगलमा हाल पहिचान नखुलेका करिब ५५ वर्षीय पुरुष मृत अवस्थामा फेला परेका छन् । बुधबारका यी सबै घटनाहरूका सम्बन्धमा स्थानीय प्रहरीले आवश्यक अनुसन्धान गरिरहेको प्रहरीले बिहीबार जनाएको छ ।