सरकारविरुद्ध विपक्षी दलहरु मोर्चा कस्ने तयारीमा

काठमाडौं । प्रमुख प्रतिपक्षी कांग्रेसले संविधान विरोधी प्रावधान राखिएका विधेयक र राजनीतिक मुद्दामा संयुक्त दृष्टिकोणका साथ अघि बढ्न राष्ट्रिय जनता पार्टी (राजपा) लगायतका साना दलसँग सहकार्य गर्ने भएको छ । सरकारका काम कारवाहीको निगरानी बढाउने भन्दै सोमबार मात्रै उसले छाया सरकार गठन गरेको छ ।

राजपा अध्यक्षमण्डलले पनि शनिबार बृहत् प्रजातान्त्रिक मोर्चाको आवश्यकतामा जोड दिँदै प्रमुख प्रतिपक्षी कांग्रेससहित साना दलसँग सहकार्य र छलफल गर्ने अनौपचारिक निर्णय गरेको छ । –कान्तिपुर दैनिकबाट