जहाजमै निदाउने पाइलट नागराजलाई उडानमा प्रतिबन्ध
काठमाडौँ । नेपाल एयरलाइन्सका प्रशिक्षक पाइलट आइपी नागराजलाई जहाज उडानमा प्रतिबन्घ लगाएको छ । एयरबस ३२० का आइपी पाइलट नागराजलाई नेपाल नागरिक उड्डयन प्राधिकरणले जहाज उडानमा प्रतिबन्ध लगाएको हो ।
चालक दलका सदस्यसहित १६५ जनाको जिम्मा लिएर काठमाडौं–दुबई जहाज उडाएका नागराजलाई जहाजको कमान्ड दिएर ककपिटमै सुतेको फोटो सार्वजनिक भएको थियो ।
ककपिटमै निदाएपछि प्राधिकरणले जहाज उडानमा प्रतिबन्ध लगाएको हो। पाइलट नागराजलाई ग्राउन्डेड गर्दै प्राधिकरणले नेपाल वायुसेवा निगमसँग अध्ययन गरी रिपोर्ट बुझाउनसमेत निर्देशन दिएको छ । जहाज उडानमा प्रतिबन्ध लागेसँगै पाइलट नागराज बिदामा बसेका छन्। उनी भारतीय नागरिक हुन्।
प्रतिकृया दिनुहोस