सवारी चालक प्रति ट्राफिक प्रहरीले गर्ने व्यवहार सकरात्मक हुनु पर्दछ

काठमाडौँ । उपत्यकाको ट्राफिक व्यवस्थालाई व्यवस्थापन गर्ने क्रममा  प्रहरी महानिरीक्षक सर्वेन्द्र खनालले  देशभरिकै नमूना र अनुकरणीय बनाउनुपर्ने बताएका छन् । 

महानिरीक्षक खनालले आइतबार महानगरीय ट्राफिक प्रहरी महाशाखाका ट्राफिक अधिकृतलाई सम्बोधन गर्दै देशभरकै नमूना ट्राफिक व्यवस्थापन गर्नुपर्ने बताएका छन् ।  

“ट्राफिक प्रहरीले चालकलाई गर्ने व्यवहार नम्र र शालिन र सकरात्मक हुनुपर्छ, हाम्रो सेवाले जनतालाई मुस्कुराउँदै जाने वातावरण बनाउनुपर्छ”, भनि बताएका छन् । 

महानिरीक्षक खनालले उपत्यकामा कार्यरत ट्राफिक प्रहरीको प्रोत्साहन भत्ताले मनोबल बढेको भन्दै अझै राम्रो सेवा प्रदान गर्न आग्रह गरेक छन् । 

महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्तले उपत्यकाको ट्राफिक सुधारका लागि महाशाखाले तीन महीने कार्ययोजना बनाएर काम गरिरहेको बताएका छन् । 

हाल काठमाडौँ उपत्यकामा एक हजार ५०० हाराहारीमा ट्राफिक प्रहरी कार्यरत छन् । यातायात व्यवस्था विभागका अनुसार हाल देशभर ३२ लाख सवारी साधन तथा काठमाडौँ उपत्यमामा मात्र ११ लाख सवारी साधन चल्ने गरेका छन् ।