हावाहुरीको बबण्डर : शोकमा डुब्यो गाउँ, पुरइनियाँमा एकै घरका ४ सहित ११ जनाको मृत्यु
बारा । आइतबार साँझ आएको हावाहुरीले बारा र पर्सामा जनधनको ठूलो क्षति गरेको छ । साँझ ७ बजे गएको हावाहुरीले अहिलेसम्म ३१ जनाको मृत्यु र सयौं घाइते भएका छन् ।
घरको छानो, पर्खाल, विद्युतको पोलमा क्षति पुर्याएको छ । बारासँग भारतीय सिमाना जोडिएको सुवर्ण गाउँपालिका र फेटा गाउँपालिकामा व्यापक क्षति भएको छ ।
हावाहुरीबाट सबैभन्दा बढी क्षति फेटा गाउँपालिका ६ पुरइनियाँमा भएको छ । सो गाउँमा एकै परिवारका ४ जनासहित ११ जनाको मृत्यु भएको छ । इजहार मिया अंसारीकी श्रीमती मीना खातुन, बुहारी सतिमा खातुन र उनका दुई नातीनी सम्चिदा खातुन र रुक्सार खातुनको मृत्यु भएको हो । यस गाउँमा अहिले सुरक्षाकर्मीहरु भग्नावशेष पन्छाइरहेका छन् ।
बाराको फेटा गाउँपालिकाको पुरैनिया र भरवलीया, कलैया उपमहानगरपालिकाको धर्मनगर, सुवर्ण गाउँपालिकाको हर्दिया, पचरौता नगरपालिकाका विभिन्न ठाउँ, महागढीमाई नगरपालिकाको तेलकुवा लगायत ठाउँमा हावाहुरीले बढी क्षति पुगेको छ ।
प्रतिकृया दिनुहोस