मंगलबारसम्म मेघ गर्जनसहित वर्षा हुने
काठमाडौं । आइतबार देशभरका अधिकांस स्थानमा वर्षा भए पनि सोमबार मौसममा सुधार आएको छ । तर, देशको पूर्वी तथा मध्यभागमा मंगलबारसम्म मेघ गर्जनसहित क्षणिक वर्षा हुनेछ ।
भारतको मध्यप्रदेशमा विकसित भएको न्यून चापीय क्षेत्र (लो प्रेसर एरिया) को प्रभावका कारण वायुमण्डलको तल्लो सतहमा जलवाष्पयुक्त हावा सजिलै प्रवेश गर्ने भएकाले नेपालमा अहिलेको मौसमी अवस्थामा परिवर्तन आएको हो ।
मौसम पूर्वानुमान महाशाखाका अनुसार सोमबार देशको पहाडी भूभागमा आंशिकदेखि सामान्य बदली रहने जनाएको छ । देशको पहाडी भेगको केही स्थानमा र तराई भेगको एक दुई स्थानमा मेघ गर्जनसहित क्षणिक वर्षाको सम्भावना छ ।
हिमाली भूभागको केही स्थानमा हल्कादेखि मध्यम हिमपातको सम्भावना रहेको छ । मंगलबार देशको पहाडी भूभागमा आंशिक बदली हुनुका साथै देशको पहाडी भेगको थोरै स्थानमा मेघ गर्जनसहित क्षणिक वर्षाको सम्भावना रहेको छ ।
प्रतिकृया दिनुहोस