कोरियन भाषा परीक्षाका लागि अहिलेसम्म ७९ हजारको आवेदन, कहिलेसम्म छ म्याद ?
काठमाडौं । रोजगार अनुमति प्रणाली (इपिएस) अन्तर्गत प्रथम चरणको कोरियन भाषा परीक्षाका लागि अहिलेसम्म झण्डै ७९ हजारको आवेदन परेको छ । मंगलबार बेलुकासम्म ७८ हजार ८ सय ५९ जनाको आवेदन फारम भरेको इपिएस कोरिया शाखाले जनाएको छ ।
भाषा परीक्षाका लागि गत बिहीबार राति १२ बजेदेखि आवेदन फारम भर्न खुला गरिएको थियो । यही चैत १७ गतेसम्म भाषा परीक्षामा सहभागी हुन आवेदन दिन सकिनेछ ।
कोरियन भाषा परीक्षा आगामी जेठ २५ र २६ गते हुनेछ भने आगामी असार १३ गते नतिजा प्रकाशन गरिने इपिएस कोरिया शाखाका निर्देशक कृष्णप्रसाद खनालले जानकारी दिए ।
प्रतिकृया दिनुहोस