ताप्लेजुङ जिल्ला अस्पतालमा बेबारिसे शव अलपत्र

ताप्लेजुङ । ताप्लेजुङमा जिल्ला अस्पतालको शवगृहमा चार दिनदेखि एक महिलाको बेवारिसे अवस्थामा शव फेला परेको छ ।

मिक्वाखोला गाउँपालिका-४ साँवामा फागुन २६ गते अलपत्र परेको अन्दाजी ४० वर्षीया महिलाको शव प्रहरीले शव गृहमा ल्याएर राखेको थियो ।

शव पहिचान गर्ने कुनै प्रमाण फेला नपरेपछि तत्काल हुलियासहित आफन्तको खोजीका लागि प्रहरीले सञ्चार माध्यममा सूचना जारी गरेपनि बिहीबारसम्म कोही सम्पर्कमा नआएको ताप्लेजुङका प्रहरी प्रमुख डीएसपी सञ्जयसिंह थापाले जानकारी दिए ।

बेवारिसे शव भेटिए सात दिनसम्म सार्वजनिक सूचना प्रवाह गरेर पहिचानको प्रयास गर्ने र आफन्त फेला नपरे कानुनी प्रक्रिया र्पुयाएर शवलाई अन्त्येष्टि गर्ने व्यवस्था छ ।

शव तराई मुलकोजस्तो देखिने प्रहरीले जनाएको छ ।