प्रधानमन्त्री र अर्थमन्त्री अनुपस्थित हुँदा बैठक स्थगित
काठमाडौँ । सोमबार बोलाइएको समितिको बैठकमा प्रधानमन्त्री केपी ओली र अर्थमन्त्री युवराज खतिवडा अनुपस्थित भएपछि बैठक स्थगित गरिएको छ ।
सार्वजनिक निजी साझेदारी तथा लगानी सम्बन्धी विधेयकमा छलफल गर्न बोलाइएको अर्थ समितिको बैठक स्थगित गरिएको हो ।
चैत दोस्रो साता काठमाडौंमा हुने लगानी सम्मेलन अघि नै उक्त विधेयक पारित गर्ने तयारी अनुसार २ साता अघि प्रधानमन्त्री कार्यालयले दर्ता गरेको थियो ।
समितिको छलफलमा प्रधानमन्त्री ओली र अर्थमन्त्री खतिवडा नै अनुपस्थित भएको भन्दै विपक्षी कांग्रेस सांसद गगन थापाले विधेयकमा छलफल हुन नसक्ने धारणा राखेपछि बैठक मंगलबार बिहान १० बजेसम्मका लागि स्थगित गरिएको हो ।
मन्त्री खतिवडासँगको सल्लाहमा सोमबार दिउँसो १ बजे समितिको बैठक राखिएको थियो ।
तर अर्थमन्त्री खतिवडा नै उपस्थित नभए पछि बैठक स्थगित गरिएको हो ।
प्रतिकृया दिनुहोस