बार बर्दियाका शिक्षा अधिकारी टिकानाथ सम्पर्कविहीन

बर्दिया । जिल्लाको स्थानीय तहका शिक्षा अधिकारी सम्पर्कविहीन भएका छन् ।

बार बर्दिया नगरपालिकाका शिक्षा अधिकारी टिकानाथ गोसाई आइतबार दिउँसोबाट सम्पर्कविहीन भएका हुन् ।

विहान १० बजेनै कार्यालय पुगेका अधिकारी करिब ३ बजेतिर सम्पर्कविहीन भएको एक कर्मचारीले जानकारी दिए ।

अधिकारीले नगरपालिकामा भित्र शिक्षाका विभिन्न योजनामा कमिसन माग्ने गरेको, आर्थिक चलखेलमा नगर शिक्षक नियुक्ति गरेको आरोप अधिकारीमाथि लाग्दै आएको थियो ।

अधिकारीले कुनै जानकारी नै नछोडेर सम्पर्कविहीन भएका हुन् । अधिकारी अपहरणमा परेको भएपनि यो समाचार तयार पार्दासम्म कुनै जानकारी प्राप्त भएको छैन ।

तर, अपहरणमा परेको हुन सक्ने स्थानीयले शंका गरेका छन् ।