छुट्टाछुट्टै दुर्घटनामा दुई जनाको मृत्यु
विराटनगर । प्रदेश-१ को धनकुटा र झापा जिल्लामा भएका छुट्टाछुट्टै दुर्घटनामा परी दुईजनाको मृत्यु भएको छ ।
शनिबार राति साढे ११ बजे भेडेटार-राजारानी सडकखण्डमा गुडिरहेको ट्याक्टर आफै अनियन्त्रित भएर सडकबाट लगभग एक हजार दुई सय मिटर तल खस्दा दुर्घटना भएको प्रहरीले जनाएको छ ।
दुर्घटनामा गम्भीर घाइते तामाङको उपचारका क्रममा आइतबार बिहान बीपी कोइराला स्वास्थ्य विज्ञान प्रतिष्ठान धरानमा मृत्यु भएको हो ।
त्यस्तै पूर्वपश्चिम राजमार्गअन्तर्गत झापाको कमल गाउँपालिका-५ पाडाजुँगीमा भएको मोटरसाइकल दुर्घटनामा परेर शिवसताक्षी नगरपालिका-८ डुडाँमारीका ४९ वर्षीय महेन्द्र भट्टराईको मृत्यु भएको छ ।
प्रहरीका अनुसार पूर्वबाट पश्चिमतर्फ आउँदै गरेको मे ९ प २९८८ नम्बरको मोटरसाइकल सडकमा रोकेर राखिएको बा १३ च ७५२७ नम्बरको कारमा ठोक्किँदा भएको दुर्घटनामा मोटरसाइकल चालक ४६ वर्षीय कुमार गिरी र मोटरसाइकलको पछाडि सवार २९ वर्षीय महेन्द्र भट्टराई गम्भीर घाइते भएका थिए ।
घाइते दुबैजनालाई उपचारका लागि दमकको लाइफलाइन अस्पतालमा पठाइएकोमा भट्टराईको उपचारका क्रममा मृत्यु भएको प्रहरीले जनाएको छ ।
गिरीको सोही अस्पतालमा उपचार भइरहेको छ । मोटरसाइकल र कारलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ ।
प्रतिकृया दिनुहोस