गोठमा आगलागी हुँदा ९ चौपाय जलेर मरे
विराटनगर । लामखुट्टे भगाउन बालिएको घुपबाट आगो सल्किएर आगलागी हुँदा नौ पशुचौपाय मरेका छन् ।
विराटनगरमा महानगरपालिका–१२ का लखन मण्डल र शिवशंकर मण्डलको गाई वस्तु बाँध्ने गोठमा शनिबार बिहान आगलागी हुँदा नौ चापाय जलेर मरेका छन् ।
लखनको टिनको छानो भएको गोठमा लामखुट्टे भगाउन बालिएको घुरबाट बिहान ४ बजे आगो सल्किएको मोरङ प्रहरी प्रमुख एसपी मनोजकुमार केसीले जानकारी दिए ।
आगोमा जलेर गोठमा बाँधेका दुईवटा गाई र सातवटा बाख्रा मरेका छन् । केसीका अनुसार आगोले गोठमा पूर्ण रुपमा क्षति पुर्याएको छ ।
आगोले लखनका छिमेकी शिवशंकरको गोठमा पनि क्षति पुगेको छ ।
शिवशंकरको गोठ र त्यहाँ राखिएको २ प ४६६२ नम्बरको मोटरसाइकलमा क्षति पुग्दा ५० हजार मूल्य बराबरको क्षति भएको प्रहरीले जनाएको छ ।
आगो स्थानीय बासिन्दा, दमकल र प्रहरीको सहयोगमा एक घण्टापछि नियन्त्रणमा लिन सकिएको जनाइएको छ ।
प्रतिकृया दिनुहोस