ठगी मुद्दाका फरार अभियुक्त पक्राउ
गुलरिया । कैलाली जिल्ला अदालतको फैसला आदेशले ठगी मुद्दामा कैद सजाय तोकेको बर्दिया गेरुवा गाउँपालिका-४ राजीपुरका २८ वर्षीय दर्शन चौधरीलाई प्रहरीले पक्राउ गरेको छ ।
अदालतको ०७० भाद्र ३१ गतेको फैसला आदेशले चौधरीलाई ८ महिना १९ दिनको कैद र ७५ हजार ५ सय रुपैयाँ जरिवाना सुनाएको थियो ।
ठगी मुद्दामा संलग्न चौधरी घटना भएको दिनदेखि नै फरार थिए ।
बर्दिया प्रहरीको विशेष टोलीले राजीपुरबाट उनलाई पक्राउ गरेको जिल्ला प्रहरी कार्यालय बर्दियाका प्रहरी उपरीक्षक सुरेन्द्रप्रसाद मैनालीले बताए ।
पक्राउ परेका चौधरीलाई अदालतमा बुझाउने तयारी भैरहेकाले जिप्रका बर्दियाको हिरासतमा राखिएको छ ।
प्रतिकृया दिनुहोस