भोजपुरका दुई घरमा खानतलासी, अवैध छालासहित भरुवा बन्दुक बरामद
काठमाडौं । भोजपुरको टेम्केमैयुम गाउँपालिका २ छिनामखुको रुमलाका निरकुमार भुजेलको घर खान तलाशी गर्दा बन्यजन्तुको छालासहित भरुवा बन्दुक बरामद गरिएको छ ।
निरकुमार भुजेलको घरबाट दुर्लभ रेडपाण्डाको छालासहित अवैध रुपमा लुकाएर राखिएका भरुवा बन्दुक प्रहरीले बरामद गरेको छ ।
भोजपुरको मैयुमडाँडा आसपासमा रेडपाण्डा देखिदै आएका छन् । रेडपाण्डाको संरक्षण अभावले चोरी शिकारी हुने गरेको छ ।
विशेष सूचनाका आधारमा केशबकुमार थेबेको नेतृत्वमा खटिएको प्रहरी टोलीले भुजेलको घर खानतलासी लिएको थियो ।
उनको घरबाट चोरी शिकारी गरी विभिन्न बन्यजन्तुको छाला, अंग र हतियारसमेत बरामद भएको प्रहरीले जनाएको छ ।
उनको दुई वटा घर खानतलासी गर्दा रेडपाण्डाको छाला, भालुको छाला, निगाले बाघको छाला बरामद गरिएको छ ।
शिकार गर्न प्रयोग हुने भरुवा बन्दुक २ नाल र भरुवा बन्दुकमा प्रयोग हुने ब्यारेल २ थान बरामद भएको प्रहरीको भनाई छ ।
उनलाई प्रक्राउ गरी जिल्ला प्रहरी कार्यालय भोजपुरमा ल्याइएको छ ।
घरधनी निर कुमार भुजेल केही समय अगाडि मात्र वैदेशिक रोजगारको सिलसिलामा विदेश गएका थिए ।
प्रतिकृया दिनुहोस