आगलागीमा परी घाइते भएकी वालीकाको मृत्यु

डडेल्धुरा । डडेल्धुराको आलिताल गाउँपालिका–८ मा घुम्ती बजारमा फागुन १४ गते आगलागी हुँदा घाइते भएकी उत्तम थापाकी ११ वर्षीया छोरी निरुता थापाको मृत्यु भएको छ ।

उनको काठमाडौंस्थित कीर्तिपुर अस्पतालमा उपचारको क्रममा मृत्यु भएको हो ।

आलितालको घुम्ती बजारमा रहेको थापाको किराना पसलबाट आगलागी हुँदा थापाकी ८ वर्षीया कान्छी छोरी आरती थापाको यसअघि नै मृत्यु भएको थियो ।

उत्तम थापाको किराना पसलबाट आगो लागेको थियो ।

थापाकी २ छोरी आरती र निरुता मैनबत्ती बालेर किताब पढिरहेको बेला मैनबत्ती सल्किएर पसल नै जलेको थियो ।