धनगढीका एक व्यापारीको अपहरण, १५ लाख फिरौती माग
कैलाली । धनगढीका एक व्यापारीको बुधबार राति अपहरण भएको छ ।
आरम्भ फेन्सी स्टोरका सञ्चालक जगतबहादुर सिंहको अपहरण भएको हो ।
उनी बुधबार राति धनगढीबाटै अपहरणमा परेको प्रहरीले जनाएको छ ।
उनका परिवारका सदस्यले सोबारेमा बिहीबार जिल्ला प्रहरी कार्यालय कैलालीमा निवेदन दिएका छन् ।
अपहरणकारीले भारतीय नम्बरबाट फोन गरी सिंहको परिवारसँग १५ लाख रुपैयाँ फिरौती माग गरेको छ ।
अपहरणकारीको पहिचान भएको छैन । उनको अवस्था र अपहरणकारीका विषयमा अनुसन्धान भइरहेको प्रहरीले जनाएको छ ।
प्रतिकृया दिनुहोस