ताला फुटाएर चोरी गर्ने पक्राउ
काठमाडौं । विभिन्न स्थानमा सटरको ताला फुटाएर चोरी गर्ने सुदिप तामाङ भनेर चिनिने गंगबहादुर मगरलाई प्रहरीले पक्राउ गरेको छ ।
रामेछापको दोरम्बा गाउँपालिका-४ स्थायी घर भएका सुदिपलाई कार्तिक २६ गते काठमाडौंको मछिन्द्रबहालबाट पक्राउ गरिएको हो । उनले कार्तिक १० गते मखनमा रहेको मिनराज घिमिरेको कस्मेटीक पसलको टाला फुटाई १० लाख बराबरको सामान चोरेका थिए ।
त्यस्तै कार्तिक २६ गते बालकुमारीमा ३ वटा कस्मेटीक पसलबाट सामान चोरेका थिए । ट्याक्सी चालक सुदिपले रातको समयमा फलामे रडले सटरको ताला फुटाएर चोरी गर्दै आएका थिए ।
उनीमाथि ८ वटा भन्दा बढी सटर फुटाएको र ३० लाख भन्दा बढी रकमको सामान चोरी गरेको आरोप छ । कति रकम र सामान चोरी गरेको हो भन्नेबारे अनुसन्धान भइरहेको प्रहरीले जनाएको छ ।
प्रतिकृया दिनुहोस