नागरिक दैनिकको गाडी कपिलवस्तुमा दुर्घटना, दुई जना घाइते
कपिलवस्तु । नागरिक दैनिकको गाडी कपिलवस्तुमा दुर्घटना भएको छ ।
नागरिक पत्रिका बोकेको बा ४ च ३०९९ नम्बरको बोलेरो जिप सोमबार बिहान पूर्वपश्चिम राजमार्गअन्तर्गत कपिलवस्तुको शिवराज नगरपालिका–३, खैरेन्द्रपुरनजिक बिजुलीको पोलमा ठोक्किएर सडक छेउमा पल्टिएको हो ।
दुर्घटनामा परी गाडीमा रहेका पाँच जनामध्ये दुई जना सामान्य घाइते भएका छन् ।
घाइते भएका उदयपुर घर बताउने वर्ष ३४ का रामबहादुर राना र दाङको राप्ती गाउँपालिका–१ का ३८ वर्षीय मीना भुसाललाई उपचारका लागि बुटवलतर्फ पठाइएको प्रहरीले जनाएको छ ।
पूर्वतर्फ जाँदै गरेको उक्त बोलेरो अनियन्त्रित भई सडक छेउमा रहेको बिजुलीको पोलमा ठोक्किएको थियो । गाडीको ठक्करबाट बिजुलीको पोलसमेत भाँचिएको छ ।
प्रतिकृया दिनुहोस