निगमको अन्नपूर्ण वाइडबडी विमान दोहामा ग्राउन्डेड
काठमाडौं । गत साउनदेखि उडान सुरु गरेको नेपाल वायुसेवा निगमको वाइडबडी विमान दोहामा ग्राउन्डेट भएको छ । कलसाइन ९ एन–एएलवाइ भएको अन्नपूर्ण विमानको ब्रेक सिस्टममा समस्या आएकाले बिमान ग्राउन्डेड भएको निगमले जानकारी दिएको छ ।
उडान गरेको तीन महिना पछि वाइटबाडी ३३०–२०० विमान ग्राउन्डेट भएको हो । २७८ सिट क्षमता भएको यो विमान बिहीबार राती ९ः२५ मा काठमाडौं बाट दोहाका लागि उडान गरेको थियो । सो विमान दोहामा ११ः५० मा अवतरण हुने तालिका थियो ।
निगमका सहप्रवक्ता शैलेस कंसाकारका अनुसार विमान अवतरण भए पछि इन्जिनेले चेक जाच गर्ने क्रममा ब्रेक सिसटममा समस्या देखिएको हो । ‘निगको इन्जिनियरले विमानको आवश्यक जाच गरिरहेको छ,’ उनले भने । निगमबाट सोही विमानमा भएका इन्जिनियरले विमानको थप अध्ययन गर्दै आएको उले बताए ।
बिहीबार दोहा उडेको विमान शुक्रबार विहान ८ः३० मा नेपाल आइपुग्ने तालिका थियो । तर सो विमान ग्राउन्डेट भए पछि निगमको विमानबाट नेपाल आउँने यात्रु मार्कामा परेको हो । दोहामा ग्राउन्डेट भएको विमान असार १४ गते नेपाल आइपुगेको थियो भने यसले व्यवसायीक उडान साउन १६ गते बाट गरेको थियो ।
अन्नपुर्णको पहिलो उडान दोहामा नै भएको थियो । निगमले दुई वटा विमान खरिदका लागि नेपाल सरकारको ग्यारेन्टीमा कर्मचारी सञ्चयकोष र नागरिक लगानी कोषको १२–१२ अर्ब ऋणमा लिएको थियो । यही ऋणबाट निगमाले प्रतिविमान १० करोड ४८ अमेरिकी डलरमा खरिद गरेको हो ।
प्रतिकृया दिनुहोस