लगन गाँठोमा कसिँदै नायीका र निर्देशक

काठमाडौं । चलचित्र ‘छक्का पञ्जा ३’ की नायिका दीपिका प्रसाई र चलचित्र निर्देशक दिवाकर भट्टराई लगन गाँठोमा बाधिने पक्कापक्की भएको छ ।
उनीहरुले दशैंको टिकाको केही दिनपछि इन्गेजमेन्ट गरेका हुन् । सामाजिक संजाल फेसबुकमा दुइले एकसाथ तस्बिर राख्दै सधैँका लागि एक भएको उल्लेख गरेका छन् ।

चलचित्र ‘ऐश्वर्य’ निर्माण लगतै कोर्ट म्यारिज गरेका दीवाकर र दीपिका मंसिर महिनामा बिहे गर्ने तयारीमा पनि छन् । दिवाकर र दीपिका शनिबार नै थाइल्याण्ड जाँदैछन् ।

उनीहरु चलचित्रसम्बन्धी कामकै लागि जान लागेको बुझिएको छ । दीपिकाले चलचित्र ‘छक्का पन्जा ३’मा काम गरेकी छिन् भने दिवाकरले निर्देशन गरेको ‘क्याप्टेन’ चलचित्र प्रदर्शनको तयारीमा छ ।