अरिंगलले टोक्दा बझाङमा ३ वर्षीय बालकको मृत्यु
बझाङ । दसैंको मुखमै आएको बेला बझाङमा दुःखद घटना भएको छ । त्यो दुखद घटना हो अरिंगलको टोकाईबाट १ जनाको मृत्यु हुनु ।
अरिंगालले टोक्दा ३ वर्षीय बालकको मृत्यु भएको छ । केदार स्यु गाँउपालिका–२, कोटिगाँउ बस्ने रणबहादुर विष्टका ३ वर्षीय छोरा कुमार विष्टको मृत्यु भएको हो ।
घर नजिकै रहेको रुखमा रहेको अरिंगालको गोलोमा बालबालिकाले ढुंगा हिर्काएपछि उनीहरुलाई अरिंगालले टोकेको जिल्ला प्रहरी कार्यालयले जनाएको छ ।
अरिंगालको टोकाइबाट सोही गाँउका अन्य ३ जना बालबालिका घाइते भएका छन् । घाइते हुनेमा ५ वर्षका अमित विष्ट, ४ वर्षका भरत विष्ट र ७ वर्षकी रूपा विष्ट रहेको प्रहरीले जनाएको छ । घाइतेहरुको प्रथमिक स्वास्थ्य चौकी देउरामा उपचार भइरहेको छ।
प्रतिकृया दिनुहोस