बास्तोलाको निधनपछि कांग्रेसले १३ दिन शोक मनाउने
काठमाडौं । नेपाली कांग्रेसले चक्रप्रसाद बास्तोलाको निधनमा १३ दिनसम्म शोक मनाउने भएको छ ।
आइतबार पार्टी कार्यालय सानेपामा बसेको आकस्मिक १३ दिनसम्म शोक मनाउने निर्णय गरेको हो । सो बैठकले ३ दिनसम्म केन्द्रीय तथा मातहत र जिल्लाका सबै पार्टी कार्यालयको झन्डा आधा झुकाउने, सोमबार मातहत र जिल्लाका सबै पार्टी कार्यालहरू बन्द गर्ने निर्णय गरेको छ ।
सो बैठकले सबै पार्टी कार्यालयहरूमा शोक पुस्तिका राख्ने निर्णय पनि गरेको छ । त्यसैगरी कात्तिक ७ गते गर्ने भनिएको चियापान कार्यक्रम कार्तिक १६ गते गर्ने भएको छ ।
वास्तोलाको शनिबार ललितपुरको खुमलटारस्थित निवासमै निधन भएको थियो । उनको शव अन्तिम श्रद्धाञ्जलीका लागि आइतबार दिउँसो १ बजेदेखि पार्टी कार्यालयमा राखिएको थियो ।
नेपाली कांग्रेसका सभापति शेरबहादुर देउवाले स्वर्गीय नेता बास्तोलाको पार्थिव शररमा पार्टीको झण्डा ओडाएर सम्मान व्यक्त गरेका छन् । पार्टी केन्द्रीय कार्यालय सानेपामा अन्तिम श्रद्धाञ्जलीका लागि राखिएको उनको पार्थिव शरीरमा कांग्रेसलगायत विभिन्न पार्टीका नेता, कार्यकर्ता, समर्थक शुभेच्छुकले श्रद्धाञ्जली व्यक्त गरेका थिए ।
प्रतिकृया दिनुहोस