सवारी दुर्घटनामा २ जनाको मृत्यु, ८ जना घाइते
तनहुँ । तनहुँको म्याग्दे गाउँपालिका-४ मनहरीमा मंगलबार बस र माइक्रोबस आपसमा ठोक्किँदा २ जनाको मृत्यु र ८ जना घाइते छन् ।
दमौलीबाट पोखरातर्फ जाँदै गरेको बा३ ख४४४२ नं.को माइक्रो र विपरित दिशाबाट आउँदै गरेको लु१ ख४१९४ नंको बस आपसमा ठोक्किएको हो ।
दुर्घटनामा मृत्यु हुनेमा व्याँस-११ घर भई हाल भादगाउँमा बस्दै आएकी ३४ वर्षिय सरस्वती कुँवर र अर्की एक महिलाको ठेगाना खुल्न नसकेको प्रहरी उपरीक्षक सिद्धीविक्रम शाहले बताए ।
दुर्घटनामा माइक्रोबस चालक तुलबहादुर विकसहित ८ जना घाइते छन् । घाइते मध्ये व्याँस-२ की ८० वर्षिय बिष्णुकमारी बस्नेतको अवस्था गम्भीर छ ।
उनको पोखरास्थित गण्डकी मेडिकल कलेजमा उपचार भइरहेको छ । अन्य घाइतेको मणिपाल शिक्षण अस्पतालमा उपचार भइरहेकोे बताइएको छ ।
प्रतिकृया दिनुहोस