पहिरोमा तीन बालबालिका पुरिए

सल्यान । सल्यानको बागचौर नगरपालिका १२ ओख्रेनी मुलखोलामा पहिरोमा तीन बालबालिका पुरिएका छन् ।

आइतबार बेलुकी ५ बजेतिर स्थानीय बालाराम डाँगीको घर पहिरोमा पुरिंदा उनका १० वर्षीय छोरी ललिता, ७ वर्षीय छोरा ललित र ४ वर्षकी छोरी मेनका बेपत्ता भएका १२ नम्बर वडाका अध्यक्ष दिपक वलीले जानकारी दिए ।

पहिरोमा परेर बालाराम डाँगी र उहाँकी श्रीमती समेत घाइते भएको छ । घरमा बालबालिकाले खाना खाँदै गरेका बेला पहिरो खसेको थियो ।