सुनकोशीमा दुई भारतीय बेपत्ता

सिन्धुपाल्चोक । सिन्धुपाल्चोकको बाह्रबीसे नगरपालिकाअन्तर्गत जुरेस्थित सुनकोशी नदीमा दुई जना भारतीय नागरिक वेपत्ता भएका छन् ।

बेपत्ता हुनेहरुमा विहार प्रान्तअन्तर्गत सीतामढी पर्शुराम( ९ निवासी ३० वर्षीय रुपलाल सहनी र २५ वर्षीय मनोहर सहनी रहेका छन् ।

माछा मार्न सुनकोशीमा गएका उनीहरुलाई आइतबार नदीले बगाएको थियो ।

उनीहरुको खोजी भइरहेको इलाका प्रहरी कार्यालय बाह्रबीसेले जानकारी दिएको छ ।