डडेल्धुरामा महाकालीको पानी खतराको तहमाथि, कञ्चनपुरमा सतर्क रहन आग्रह

काठमाडौं । सुदूरपश्चिमका पहाडी जिल्लामा परेको भारी वर्षाका कारण महाकाली नदीमा पानीको वहाव बढ्दै गएको छ ।डडेलधुरा स्थित परिगाउँ बाढी केन्द्रमा बहाव सतर्कता तह भन्दा माथि पुगेको बाढी पूर्वानाुमान महाशाखाले जनाएको छ।

पहाडमा पानीको बहाव बढ्दै जाँदा तराईमा बाढी र कटानको सम्भावना हुने भएकाले कञ्चनपुरका महाकाली तटीय क्षेत्रका बासिन्दालाई सतर्क रहन आग्रह गरिएको छ।कञ्चनपुरको तटीय क्षेत्रमा भोली बिहानसम्म सतर्कताको लागि अनुरोध गरिएको हो।