परिवर्तन हुँदै देवानी संहिता, अब श्रीमानले चाहे पनि सम्बन्ध बिच्छेद

काठमाडौ‌ । अहिलेसम्म सम्बन्ध विच्छेद महिलाले चाहेमा सजिलै गर्न सक्छन् भने पुरुषहरुका लागि निकै असहज विषय बनेको छ । कतिपय श्रीमान्हरु न श्रीमतीसँग सम्बन्ध बन्न सक्ने न त सम्बन्ध विच्छेद नै हुनसक्ने अवस्थामा छन् ।

जीवनभर पीडित भएर पनि श्रीमतीले सम्बन्ध विच्छेद नगर्दा मानसिक तनाव झेलिरहनुपरेका कैयौं श्रीमान्हरु समाजमा छन् । तर अब यस्तो समस्या भएको भए आगामी भदौसम्म धैर्य गर्नुपर्छ, ति पुरुषले आफैँ सम्बन्ध विच्छेदको निवेदन दिन पाउनेछन् ।

मुलुकी देवानी (संहिता) ऐन, २०७४ ले यस्तो व्यवस्था गरेको हो । यो संहिता आगामी भदौ १ गतेबाट लागू हुँदैछ।

परिच्छेद ३ मा सम्बन्ध विच्छेदसम्बन्धी व्यवस्था छ । विद्यमान कानुन श्रीमानको हकमा त्यति लचक छैन। श्रीमतीले चाहेमात्र छिटो सम्बन्ध विच्छेद हुनसक्छ ।

नयाँ ऐनको दफा ९४ मा पतिले सम्बन्ध विच्छेद गर्न सक्ने कानुनी व्यवस्था छ।