बस दुर्घटनामा १५ घाइते, एकको अवस्था गम्भीर

काठमाडौं । काठमाडौंको धर्मस्थलीबाट रत्नपार्कतर्फ आउँदै गरेको बस शुक्रबार बिहान लामबगरमा खोलामा खस्दा १५ यात्रु घाइते भएका छन्। १ जनाको अवस्था गम्भीर रहेको बताइएको छ ।

बा ३ क ३७४९ नम्बरको बस बिहान  दुर्घटना भएको हो।

घाइते १५ मध्ये १२ जनाको ग्राण्डी अस्पतालमा र तीन जनाको त्रिवि शिक्षण अस्पताल महाराजगंजमा उपचार भइरहेको प्रहरीले जनाएको छ।

दुर्घटनाको कारण खुलेको छैन। घटनाको विस्तृत विवरण आउन बाँकी छ।