बिस्केट जात्राको रथको पाङ्ग्राले चेपिएर एक जनाको मृत्यु

भक्तपुर । भक्तपुरमा बिस्केट जात्राको रथको पाङ्ग्राले चेपिएर एक जनाको मृत्यु भएको छ ।

पांग्राले चेपेर गम्भीर घाइते भएका सूर्यविनायक नगरपालिका -५ का ७१ वर्षका दुर्गामान कस्पालको भक्तपुर अस्पतालमा उपचारका क्रममा साढे ६ बजे मृत्यु भएको हो ।

जात्राको अन्तिम दिन सोमबार रथलाई तान्दै पौने पाँच बजे भक्तपुरको पोटरी स्क्वायर नजिकै पुग्दा रथले किचेको थियो । रथले किचेर घाइते भएका कसपाललाई उपचारका लागि तत्काल भक्तपुर अस्पताल लगिएको थियो । अस्पतालमा उपचारको क्रममा चिकित्सकले मृत घोषणा गरेका थिए ।