अमेरिकामा कोरोनाबाट मृत्यु हुनेको संख्या एक लाख ६५ हजार बढी

अमेरिकामा कोरोनाबाट मृत्यु हुनेको संख्या तुलनात्मक रुपमा घटेपनि सामाजिक दूरी कायम नहुदा संक्रमितको संख्या भने बढिनै रहेको देखिएको छ । पछिल्लो २४ घण्टामा अमेरिकामा ४९३ जनाको मृत्यु भएको छ । अहिलेसम्म अमेरिकामा मृत्यु हुनेको संख्या एक लाख ६५ हजार ५७६ पुगेको छ ।

त्यस्तै गरि पछिल्लो २४ घण्टामा अमेरिकामा ४६ हजार ४२७ जना संक्रमित पुष्टि भएको छ । योसँगै अमेरिकामा संक्रमितको संख्या ५१ लाख ९८ हजार २२ पुगेको छ । त्यस्तै अमेरिकामा अहिलेसम्म २६ लाख ६३ हजार ९५४ जना ठिक भएका छन् भने सक्रिय संक्रमित २३ लाख ६८ हजार ४९२ जना रहेका छन् । त्यस्तै अमेरिकामा अहिले १७ हजार ८९७ जना आइसीयुमा उपचारत रहेका छन् ।

अमेरिकामा अहिलेसम्म न्युयोर्कमा मात्र मृत्यु हुनेको संख्या ३२ हजार ८४० जनाको मृत्यु पुगेको । त्यस्तै न्युयोर्कमा संक्रमितको संख्या ४ लाख ५० हजार ४२८ जना संक्रमित भएका छन् ।

त्यस्तै न्यूजर्सीमा १५ हजार ९४५ जनाको मृत्यु भएको छ भने न्यूजर्सीमा अहिलेसम्म एक लाख ९० हजार ३०३ जना संक्रमित भएका छन् ।