अन्तरजातीय प्रेम विवाह : घटनाविरुद्ध ताते देशभरका दलित, तात्यो सत्तारुढ दलको दलित संगठन पनि

Rukum aandolan

काठमाडौं । शनिबार रुकुमपश्चिम चौरजहारी नगरपालिका–८ सोतीका गाउँलेहरुको कुटाइबाट जाजरकोटको भेरी नगरपालिका–४ रानागाउँका नवराज विक र चौरजहारीका टीकाराम सुनारको मृत्यु भएपछि देशभरका दलित समुदाय आक्रोसित बनेका छन् ।

दलित नागरिक संघसंस्थाहरुले संसदीय समिति तत्काल घटनास्थल गएर अध्ययन गर्नुपर्ने माग गरेका छन् । घटनाको चौतर्फी बिरोध भएको छ ।

अन्तरजातीय प्रेम गरेकै आधारमा दलितमाथि गरिएको अमानवीय व्यहार र हत्याको निन्दा गर्दै देशभरका दलितहरु आन्दोलित भएका छन् । सत्तारुढ दल नेपाल कम्युनिष्ट पार्टी (नेकपा) निकट नेपाल दलित मुक्ति संगठनले सो घटनामा दोशी रहेका सबैलाई कानुनी दायरामा ल्याउन माग गरेको छ ।

सो संगठनका सहइन्चार्ज तथा सहसंयोजक बोमबहादुर विश्वकर्माले सोमबार साँझ विज्ञप्ती जारी गर्दै सो घटनामा संलग्न रहेकालाई हदैसम्मको कारवाही गर्न र पीडितका परिवारलाई क्षतिपूर्ति दिन माग गरिएको छ । सो विज्ञप्तीमा सो घटनाले संविधान र लोकतन्त्रकै उपहास गरिएको छ । उनी नेकपाको केन्द्रिय सदस्य पनि हुन् । 

यता, मृतकका आफन्तले सोमबार जिल्ला जिल्ला प्रहरी कार्यालय जाजरकोट अगाडी नाराबाजी गरे । सामाजिक दुरी कायम गरेर विश्वव्यापी कोरोना भाइसरको संक्रमणलाई नियन्त्रण गर्न सरकारले गरेको लकडाउनको कुनै प्रबाह नगरी पिडित पक्षले जिप्रका अगाडी नाराबाजी गरेका हुन् ।

घटनाको निष्पक्ष छानविन गर्नुपर्ने, दोषीलाई कानुन बमोजिमको सजाय हुनुपर्ने, बेपत्ताहरुको छिटो खोजीकार्य गर्नुपर्ने, जातीय छुवाछूत तथा विभेदको अन्त्य गनुपर्ने जस्ता मागहरु राखेर पीडित पक्षले नाराबाजी गरेका थिए ।

घटनाको निष्पक्ष छानविन गरी घटनाका दोषीलाई कारबाही गर्न सरकारले जिम्मा लिनुपर्ने बताउँदै संघ र प्रदेश सरकारका मन्त्री तथा जिम्मेवार व्यक्तिले घटना छानविनको जिम्मेवारी नलिदासम्म मृतकका आफन्तले लास जिम्मा नलिने उनीहरुले माग राखेका छन् ।

मृतक नवराज विक र सोतीकी एक युवतीबीच लामो समयदेखि प्रेम रहेको र युवतीकै आग्रहमा नवराजले केही साथीहरु लिएर शनिबार बेलुकी सोती गएका थिए । सोही क्रममा गाउँलेले आक्रमण गर्दा बेपत्ता भएकामध्ये ३ जनाको लास भेटिएको छ भने अझैं ३ जना बेपत्ता छन् । घटनामा नवराज विक, गणेश बुढामगर र टिकाराम सुनारको मृत्यू भइसकेको छ भने गोविन्द सुनार, सञ्जु विक र गोविन्द साही अझै बेपत्ता छन् ।

प्रहरीले समूहका १२ जनालाई नियन्त्रणमा लिए पनि ७ जना बेपत्ता देखिएपछि शनिबार राति नै खोजी सुरु गरेको थियो । राती साढे १० बजे प्रेमी भनिएका नवराज विकको शव घटनास्थलबाट करिब डेढ किलोमिटरको दुरीमा रहेको भेरी नदीको पुलमुनि भेटिएको थियो ।

नवराजकी प्रेमिका भनिएकी युवती ठकुरी परिवारकी हुन् । युवतीको सरसल्लाहमै नवराज सहितको समूह उनलाई लिन सोती पुगेको थिए ।

 

प्रतिकृया दिनुहोस

साताको लोकपृय

आज असार २० गते शनिबार, शनिदेवको पुजा गर्दै आजको राशीफल हेर्दा यस्तो हुन्छ फाइदा

Rashi sabibar shanidev

मेष (चु, चे, चो, ला, लि, लु, ले, लो, अ) मन पर्ने वस्त्र, अलङ्कार आदि उपहार पाइने योग छ । स्वादिष्...