धनकुटामा दलित बालिका माथिको यौन शोषण प्रकरण : मदन अधिकारीसहित २ जना फरार, २ पक्राउ

Dkt news madan adhikari

धनकुटा । धनकुटाका प्रतिष्ठित व्यक्तिले नै एक दलित बालिकाको यौन शोषणमा संलग्नमध्ये प्रहरीले २ जनालाई पक्राउ गरेको छ । अन्य २ जना फरार भएका छन् ।

धनकुटा नगरपालिका वडा नं. ६ आत्मारा बस्ने १३ वर्षीय दलित बालिकालाई लामो समयदेखि धनकुटा नगरपालिका वडा नं. ६ स्थित माथिल्लो गोकुण्डेश्वर माविमा पढाउने मदन अधिकारी, धनकुटा वडा नं. ६ कै गौरी अत्री, सिरान बजारका देवेन्द्र श्रेष्ठ र कचिडेका भक्तबहादुर मगर ललाईफकाई गरी यौन शोषण गर्दै आएका थिए ।

चार जनाले बालिकालाई ललाईफकाई गर्दै यौन शोषण गरेको खुलेपछि स्थानीयको पहलमा जिल्ला प्रहरी कार्यालय धनकुटामा आज विहान उजुरी दर्ता भएको थियो । उजुरी दर्ता भएलगत्तै २ जनालाई पक्राउ गरेको छ भने सो घटनामा संलग्न भनिएका मदन अधिकारीसहित अर्का एक जना फरार रहेका छन् ।

पक्राउ परेका २ जनालाई प्रहरीले आवश्यक अनुसनधान गरिरहेको र फरार भएका अन्य २ जनालाई खोजी कार्य जारी राखेको जिल्ला प्रहरी कार्यालय धनकुटाका प्रवक्ता डिएसपी ध्रुव श्रेष्ठले बताए । श्रेष्ठले उजुरी परिसकेकाले ऐन अनुसार अनुसन्धान गरेर कारवाही प्रक्रिया अघि बढाइने बताए । 

अधिकारी धनकुटा नगरपालिका वडा नं. ६ स्थित माथिल्लो गोकुण्डेश्वर माविमा पढाउने शिक्षक हुन् । उनी पूर्वमाओवादीको शिक्षक संगठनको केन्द्रिय सदस्य थिए । श्रेष्ठले सिरानबजारमा खाजा पसल सञ्चालन गर्दै आएका छन् । अत्री स्थानीय व्यवसायी हुन् ।

उनीहरुले लामो समयदेखि ती बालिकालाई ललाईफकाई गर्दै यौन शोषण गर्ने गरेका थिए । तर, ती बालिका गर्भवती भएपछि मात्रै चार जनाले बालिकालाई यौन शोषण गर्ने गरेको रहस्य खुलेको थियो ।

गरिव परिवारकी सार्की समुदायकी ती बालिकालाई युवतीलाई उनीहरुले लामो समयदेखि ललाईफकाई यौन शोषण गर्दै आएपछि कसैलाई थाहा थिएन । बालिकाको पेट बढ्दै गएपछि स्थानीयले सोधपुछ गर्दा उनी गर्भवती भएको खुलेको थियो । सो लगत्तै स्थानीयले प्रहरीमा उजुरी दिन खोजको भए पनि पीडकहरुले उजुरी नगर्न बरु पैसा दिएर मिलापत्र गराउन दवाव दिँदै आएका थिए ।

बालिकाको धनकुटा जिल्ला अस्पतालमा प्रहरीको निगरानीमा उपचार भइरहेको छ ।

प्रतिकृया दिनुहोस

साताको लोकपृय

आज असार २० गते शनिबार, शनिदेवको पुजा गर्दै आजको राशीफल हेर्दा यस्तो हुन्छ फाइदा

Rashi sabibar shanidev

मेष (चु, चे, चो, ला, लि, लु, ले, लो, अ) मन पर्ने वस्त्र, अलङ्कार आदि उपहार पाइने योग छ । स्वादिष्...