नाडा अटो–शोमा भयो ५ सय करोड बराबरको गाडी बुकिङ

नाडा अटो–शोमा भयो ५ सय करोड बराबरको गाडी बुकिङ

काठमाडौं । ५ सय करोड बराबरको सवारी बुकिङ गर्दै यो वर्षको नाडा अटो–शो आइतबार सकिएको छ । मेलामा एउटैको ७२ लाख मूल्य पर्ने बाइक समेत बुक भएको छ । 

भृकुटीमण्डपमा भव्यतापूर्वक सकिएको शोमा झण्डै ८१ हजारले अवलोकन गरेका छन् । प्रदर्शनीमा २३ वटा ब्राण्डका चार पाङग्रे, १९ वटा ब्राण्डका दुई पाङग्रे, १२ वटा ब्राण्डका लुब्रिकेन्ट, ९ वटा ब्राण्डका टायर, ५ वटा ब्राण्डका ब्याट्री, १४ वटा पार्ट–पुर्जा एवम् ग्यारेज उपकरण कम्पनी तथा ११ वटा वित्तीय संस्थाहरुको सहभागिता थियो ।

गतवर्ष भन्दा यो वर्ष कारोबार बढेको व्यवसायीको भनाइ छ । यो वर्ष ५ सय करोड बराबरको सवारी बुकिङ नाडाका उपाध्यक्ष कृष्णप्रसाद दुलालले बताए ।  ५ दिनसम्म चलेको मेला चलेको थियो । 

मेलमा दुइपांग्रेतर्फ केटिएम मोटरसाइकलको स्टल उत्कृष्ट ठहरियो भने चारपांग्रेतर्फ टोयोटाको स्टल उत्कृष्ट घोषित भयो । त्यस्तै स्पेयर पार्टस्तर्फ टोटल ल्युब उत्कृष्ट स्टल छानियो ।

प्रदर्शनीमा ठूला तथा साना गरी करिव १६० वटा स्टल र ब्लकहरु थिए । मेलामा प्रख्यात अन्तर्राष्ट्रिय ब्राण्डका सवारी साधन, लुब्रिकेन्ट, टायर, पार्ट–पुर्जाका साथै राष्ट्रिय ब्रान्डका अटो सामग्री उत्पादक एवम् वस्तु तथा सेवा प्रदायकहरुको सहभागिता समेत थियो ।


प्रतिकृया दिनुहोस

साताको लोकप्रिय

२१ वर्षसम्म बाबुले गरे आमाको सहयोगमा छोरीलाई बारम्बार बलात्कार 

काठमाडौँ । यौन हिंसाको घटना विश्वभरका लागि एउटा समस्या बन्दै गइरहेको छ । सार्वजनिक ठाउँमा होस् पर...