तस्करीको सुन पास गर्ने एयरलाइन्सका कर्मचारी ३० तोला सुनसहित पक्राउ
काठमाडौँ । तस्करको सुन पास गर्न नेपाल एयरलाइन्सका कर्मचारी त्रिभुवन अन्तर्राष्ट्रिय विमानस्थलाबाट ३० तोला सुनसहित पक्राउ परेका छन् । नेपाल एयरलाइन्समा कार्यरत रन्जित कुमार यादवलाई पक्राउ परेको महानगरीय प्रहरी परिसर काठमाडौँका प्रवक्ता (डीएसपी) होविन्द्र बोगटीले जानकारी दिए ।
तस्करीको सुन पास गर्दै गरेको अवस्थामा विमानस्थलमा खटिएका प्रहरी टोलीले यादवलाई पक्राउ गरेको बताइएको छ । उनको साथबाट ३० तोला सुन बरामद भएको जानकारी दिँदै बोगटीले उनीमाथि थप अनुसन्धान भइरहेको बताए ।
प्रतिकृया दिनुहोस