ट्रकको ठक्करबाट कैलालीमा किशोरीको मृत्यु, टायर बालेर प्रदर्शन

 कैलाली । कैलालीको लम्कीमा ट्रकको ठक्करबाट एक युवतीको ज्यान गएको छ । लम्कीचुहा नगरपालिका ३ मा ना ७ ख ९२३३ नम्बरको ट्रकले ठक्कर दिँदा १९ वर्षकी सुनीता रावलको ज्यान गएको हो । घटनापछि मृतकका आफन्त तथा स्थानीय बासिन्दाले प्रदर्शन थालेका छन् ।

उनीहरुले उचित क्षतिपूर्ती र दोषीलाई कारबाहीको माग राखेर पूर्वपश्चिम राजमार्गमा सवारीका साधन चल्न दिएका छैनन् । सडकमा टायर बालेर विरोध प्रदर्शन भइरहेको छ । मृतकको शव आफन्तले उठाउन दिएका छैनन् ।