पर्साबाट जरायोको सिङ र गाँजासहित एकजना पक्राउ

काठमाडौँ । जरायोको सिङ र अबैध गाँजसहित एकजानालाई पर्सा प्रहरीले पक्राउ गरेको छ । पक्राउ पर्नेमा पर्साको पटेर्वासुगौली गाउँपालिका वडा नम्बर १ का ३९ वर्षीय उमेश सहनी रहेका छन् ।

जिल्ला प्रहरी कार्यालय पर्साबाट खटिएको प्रहरी टोलीले सहनीको घर खानतलासी गर्दा घरभित्र लुकाई राखेको ७० किलो गाँजा र साढे तीन फिट लम्बाई भएको जरायोको सिङ बरामद गरेको हो । पक्राउ परेका सहनीलाई प्रहरी हिरासतमा राखि थप अनुसन्धान भइरहेको जिल्ला प्रहरी कार्यालय पर्साले जनाएको छ ।