अवैध लागुऔषधसहित बालाजुबाट २ जना पक्राउ

काठमाडौं । काठमाडौंको बालाजु नयाँ बसपार्कबाट अबैध लागुऔषधसहित प्रहरीले दुई जनालाई पक्राउ गरेको छ ।

पक्राउ पर्नेमा बाँके कोहलपुरका रमेश बस्नेत र शेरसिंह रोकाया रहेका छन् ।

उनीहरूको साथबाट प्रहरी १६ ग्राम खैरो हेरोइन र जोख्ने तराजुसमेत बरामद गरको छ ।

विप्लव समूहको गतिविधिबारे अनुसन्धानमा खटिएको बालाजु प्रहरीले उनीहरूलाई पक्राउ गरेको महानगरीय प्रहरी परिसर काठमाडौंका प्रवक्ता होवीन्द्र बोगटीले बताए ।

पक्राउ परेका दुवै जनामाथि थप अनुसन्धान भइरहेको उनको भनाइ छ ।

पछिल्लो समय आपराधिक गतिविधिमा संलग्नमाथि महानगरीय प्रहरी परिसर काठमाडौंको सक्रियता बढाएको छ ।