भीरबाट खसेको ढुंगा टाउकोमा लाग्दा एक जनाको मृत्यु
नुवाकोट । बाटो खन्ने क्रममा भीरबाट खसेको ढुंगा लागेर एकजनाको ज्यान गएको छ ।
सदरमुकाम विदुरदेखि ३० किलोमिटर पश्चिममा रहेको म्यागङ गाउपालिका-३ मानेपाखामा बाटो खन्ने क्रममा माथिबाट खसेको ढुंगा टाउकोमा लागेर स्थानीय ४९ वर्षीय छोरे तामाङको घटनास्थलमै मृत्यु भएको जिल्ला प्रहरी कार्यालय नुवाकोटका प्रमुख तथा प्रहरी उपरीक्षक कृष्णबहादुर पल्लिमगरले जानकारी दिए ।
मृतकको शव नुवाकोट जिल्ला अस्पताल त्रिशूलीमा पोष्टमार्टम गरिएको छ।घटनाका सम्बन्धमा थप अनुसन्धान भइरहेको उपरीक्षक पल्लिमगरले बताए ।
प्रतिकृया दिनुहोस