बालिका करणीको आरोपमा एक युवक पक्राउ
गाईघाट । सोमबार साँझ उदयपुरका एक युवालाई १३ वर्षीया बालिका बलात्कारको आरोपमा प्रहरीले पक्राउ गरेको छ ।
फाल्गुन १७ गते राति ७ बजे घरमा कोही नभएको मौकाछोपी बालिका बलात्कार गरेको आरोपमा चौदण्डीगढी नगरपालिका १ कटहरेका २५ वर्षीय मिनकुमार श्रेष्ठ पक्राउ परेका हुन् ।
पीडितका आफन्तले सोमबार जाहेरी दिएपछि इलाका प्रहरी कार्यालय बेल्टारबाट खटिएको प्रहरी टोलीले श्रेष्ठलाई पक्राउ गरेको हो ।
बलात्कार पछि ज्यान मार्ने धम्की दिएपछि पीडितले त्रासले घटना बारेमा कसैलाई जानकारी नगराएको बताइएको छ। पक्राउ परेका श्रेष्ठलाई प्रहरीले हिरासतमा राखी थप अनुसन्धान भइरहेको जनाएको छ ।
प्रतिकृया दिनुहोस