वीरेन्द्रनगरमा भ्रष्टाचारविरुद्ध नागरिक निगरानी समूह

सुर्खेत । अख्तियार दुरुपयोग अनुसन्धान आयोग सुर्खेत शाखाले वीरेन्द्रनगरमा भ्रष्टाचारविरुद्धको ‘नागरिक निगरानी समूह’ गठन गरिएको छ ।

सरोकारवालासँगको छलफलमा खिम रेग्मीको संयोजकत्वमा १८ सदस्यीय सो समूह गठन गरेको हो ।

जनसहभागिताको अभ्यासबाट समाजमा हुने भ्रष्टाचार नियन्त्रण तथा सुशासन प्रवद्र्धन गर्ने उद्देश्यले लब्धप्रतिष्ठित व्यक्तिलाई समेटेर उक्त समूह गठन गरिएको शाखा प्रमुख ज्ञानराज सुवेदीले जानकारी दिए ।

कर्णाली प्रदेश सरकारका प्रमुख सचिव रामप्रसाद थपलियाले भने, 'घुस माग्ने र दिने दुबैको खबरदारी गर्दै राष्ट्रसेवक कर्मचारी हरेकले आ–आफ्नो जिम्मेवारी पूरा गरौं ।'

उक्त शाखाका सूचना अधिकारी मेघनाथ सापकोटाले यस समूहलाई आयोगले वार्षिक रु एक-एक लाख बजेट सहयोग उपलब्ध गराउने जानकारी दिए ।