बच्चा जन्मेको खुशीमा भोज खान गएका २ जनाको करेन्ट लागेर मृत्यु

धनुषा । महोत्तरीमा बच्चा जन्मेको खुशीमा भोज खान गएका २ जनाको करेन्ट लागेर ज्यान गएको छ ।

मृत्यु हुनेमा महोत्तरीको लोहारपट्टी नगरपालिका ३ बस्ने ३० वर्षीय भरत यादव र २५ वर्षीय रामईश्वर यादव रहेको जिल्ला प्रहरी कार्यालय महोत्तरीले जनाएको छ ।

लोहारपट्टी नगरपालिका २ सुखैनिया बस्ने सकल मुखियाको घरमा शुक्रबार राति बच्चा जन्मेको खुशीमा भोज आयोजना गरिएको थियो ।

प्रहरीका अनुसार भोजमा क्यासेट बजाउन बिजुलीको पोलमा तार जोड्ने क्रममा ११ हजार भोल्टको तारमा छोएपछि करेन्ट लागेर सिकिस्त भएका दुवैजनाको उपचारको क्रममा जनकपुर अञ्चल अस्पतालमा मृत्यु भएको हो ।