प्रहरीद्धारा ३ सय ६० किलो अवैध चरेशसहित ३ जना पक्राउ

धादिङ । धादिङको गजुरीबाट ३ सय ६० किलो चरेशसहित ३ जनालाई प्रहरीले पक्राउ गरेको छ ।

केन्द्रीय लागु औषध नियन्त्रण ब्युरोबाट खटेको टोलीले भारतीय कन्टेनरबाट ठुलो मात्रामा चरेश बरामद गरेको हो ।

प्रहरीले भारत मोतिहारीका गुलाव खान, चालक ओमप्रकाश र सहचालक मुर्फा बलारालाई नियन्त्रणमा लिएको छ ।

भारत लैजान लागेको अवस्थामा सो चरेश नियन्त्रणमा लिइएको डिआइजी दिनेश अमात्यले जानकारी दिए।

प्रहरीले यसअघि भारत लैजान लागेकै अवस्थामा २ सय ३५ केजी चरेश बरामद गरेको थियो ।