धादिङमा बर्दियाको बस दुर्घटना हुँदा १ को मृत्यु, ३० जना घाइते
धादिङ । धादिङको बेनीघाट रोराङ गाउँपालिका–९ हुग्दीपुल नजिकै आइतबार बिहान बस दुर्घटना हुँदा एक जनाको मृत्यु भएको छ भने ३० जना घाइते भएका छन् ।
काठमाडौँबाट बर्दियातर्फ जाँदै गरेको बा२ख ४६८३ नम्बरको बस दुर्घटना हुँदा बर्दियाका १८ वर्षीय नरेन्द्र थारु चौधरीको मृत्यु भएको छ । उनको उपचारको क्रममा चितवन लैजाँदै गर्दा बाटोमै मृत्यु भएको प्रहरीले जनाएको छ ।
घाइतेहरुको राजमार्ग सामुदायिक अस्पताल मलेखु, गजुरी प्राथमिक स्वास्थ्य केन्द्रमा उपचार भइरहेको छ । अत्याधिक गतिमा गुडेका कारण सो बस मोडमा सडकमै पल्टिएर दुर्घटना भएको इलाका प्रहरी कार्यालय गजुरीले जनाएको छ ।
प्रतिकृया दिनुहोस