हत्या गरी ५ वर्षदेखि फरार रहेका अभियुक्ती पक्राउ
वीरगञ्ज । कर्तव्य ज्यान मुद्दाका फरार अभियुक्तलाई ५ वर्षपछि प्रहरीले पक्राउ गरेको छ ।
बाराको महागढीमाई नगरपालिका ६ का चोकट सहनीले २०७० कात्तिक १७ गते बाराको साबिक पत्रहट्टी गाविस ९ कि २१ वर्षकी खुश्बुदेवी सहनीको हत्या गरेको आरोपमा पक्राउ परेको हो ।
नातामा काका ससुराको छोरा पर्ने चोकट सहनीले खुश्बुको हत्या गरी शवलाई भुतही खोला किनारमा गाडेका थिए ।
गाउँघरमै लुकेर बसेको थाहा पाएपछि प्रहरीले भदौ ८ गते पक्राउ गरेको बाराका प्रहरी प्रवक्ता प्रहरी नायब उपरीक्षक रञ्जितसिंह राठौरले जानकारी दिए ।
बारा जिल्ला अदालतको आदेशनुसार चोकट सहनीलाई पुर्पक्षको लागि वीरगञ्ज कारागार पठाइएको जिल्ला प्रहरी कार्यालय बाराले जनाएको छ ।
प्रतिकृया दिनुहोस