नेपाली कामदार ल्याउन नेपाल सरकारको निर्णयभन्दा विपरित जान नसक्ने : मलेसिया

जीटूजी सम्झौता गर्ने मलेसियाको तयारी, मन्त्री कुलासेगरन नेपाल आउने (भिडियो)
काठमाडौं । मलेसियाको प्रधानमन्त्री महाथीर मोहमद नेपाल आउन लागेकाृ छ ।

महाथीर मोहमदले नेपाली कामदार मलेसिया लैजान सरकारीस्तरमै (जीटूजी) सम्झौता गर्ने तयारी गरेको बताएका छन् ।

नेपाली कामदार ल्याउन नेपाल सरकारको निर्णयभन्दा विपरित जान नसक्ने भन्दै महाथीरले नेपाल कामदार पठाउन इच्छुक रहेको र आफूहरु पनि नेपाली कामदार ल्याउन तयार भएकाले जीटूजी गर्न तयारी गरेको बताएका छन् ।

यसअघि बंगलादेशसँग गरेको सम्झौता जस्तै नेपालसँग पनि नयाँ सम्झौता गरेर कामदार ल्याउन तयार भएको प्रधानमन्त्री महाथिरले बताएका हुन् ।

मलेसियाली मानव संसाधन मन्त्री नेपाल आउने

समस्या समाधानका लागि नेपालसँग समझदारी (एमओयू) गर्ने तयारी भइरहेको मलेसियाका मानव संसाधन मन्त्री एम कुलासेगरनले जानकारी दिएका छन् । एमओयू प्रस्ताव संसदमा पेश गर्ने र आवश्यक प्रक्रियाका लागि नेपाल आउने बताएका छन् ।

मलेसिया सरकारले आप्रवासीका श्रमिकको स्वास्थ्य परीक्षणमा काम गर्दै आएको एजेन्ट कम्पनी बेस्टिनेट खारेज गरेको छ । यो कम्पनीले भिसा र अन्य प्रक्रियाका नाममा नेपाली कामदारसँग धेरै रकम असुलेको पाइएपछि नेपाल सरकारले गएको जेठ ३ गतेदेखि नेपाली कामदार पठाउन रोकेको छ ।
प्रतिव्यक्ति झण्डै १९ हजार शुल्क उठाउन खडा गरिएका ति संस्थाहरु नेपालमा श्रम मन्त्रालयले खारेज गरिदिएपछि र आर्थिक ठगीको विषय मलेसियाका सञ्चार माध्यममा सार्वजनिक भएपछि यसले मलेसियालाई सोच्न बाध्य बनाएको हो ।

महाथीर मोहम्मदको नेतृत्वमा नयाँ सरकार बनेपछि पुरानो सरकारले चलाएको ठगी धन्दा रोक्ने गरी अहिले प्रकृया अघि बढेको छ । नेपाली कामदार ल्याउन असजिलो भए जीटूजी सम्झौता गर्ने बारेमा त्यहाँको मन्त्रिपरिषदमा यसअघि पनि छलफल चलेको थियो ।

मलेसियाको मानव संशाधन मन्त्रालयले विदेशी कामदार ल्याउन असजिलो भए भिसा र अन्य कागजातका प्रक्रिया सरकारी तवरबाट नै मिलाउन मन्त्रिपरिषद्को अनुमति माग गरेका थिए ।

जेठ ३ गते भन्दाअघि भिसा लागिसकेको कामदारका लागि भने नेपाल सरकारले केही समयअघि अन्तिम श्रम स्वीकृति खुल्ला गरेको थियो ।

अव,

स्वास्थ्य परीक्षणका नाममा मलेसियामा नेपाली कामदार ठग्ने बेस्टिनेट कम्पनी कारबाहीमा

मलेसियामा नयाँ नीति प्रस्ताव १५ प्रतिशत मात्रै विदेशी कामदार भर्ती गरिने