झापामा ४४१ जनामा डेंगुको संक्रमण

झापामा १ को मृत्यु भएपछि फैलियो त्रास

Dengu jhapa

झापा । असोज पहिलो सातायता झापामा डेंगु संक्रमण फैलिँदै गएको छ । अहिलेसम्म ४ सय ४१ जनामा डेंगुको संक्रमण देखिएको छ । योसँगै जिल्लामा त्रास फैलिएको छ ।

डेंगुको संक्रमणका कारण अर्जुनधारा ११ की ३६ वर्षीया सुनीता अधिकारी बरालको मंगलबार मृत्यु भएको छ । बरालको नोबेल अस्पतालमा उपचारका क्रममा मृत्यु भएपछि जिल्लामा त्रास फैलिएको स्थानीयले बताएका छन् ।

डेंगुको संक्रमण दमक, अर्जुनधारा, कन्काई, मेचीनगरलगायत नगरपालिकामा फैलिएको छ । डेंगुबाट बिर्तामोड नगरपालिका धेरै प्रभावित भएको छ ।

डेंगु संक्रमितमध्ये दुई सय १९ जना बिर्तामोड नगरपालिकाका छन् । बुद्धशान्ति गाउँपालिकामा १५, अर्जुनधारा गाउँपालिकामा २५, मेचीनगरमा २५ जनामा संक्रमण देखिएको जनस्वास्थ्य कार्यालयले जनाएको छ । कन्काई, दमकलगायत क्षेत्रमा पनि यो रोगको संक्रमण देखिएको छ ।

संक्रमितको संख्या बढ्दै गएपछि सरोकारवाला पक्ष पनि प्रभावित क्षेत्रमा खटिन थालेका छन् । झापाका विभिन्न स्थानमा डेंगुको संक्रमण बढ्न थालेपछि भद्रपुर नगरपालिकाले त्यसका नियन्त्रणका लागि नौ दिने अभियान सञ्चालन गरेको छ ।

नगरपालिकाले आसपी जाइन्ट फोगर मेसिन खरिद गरी नगर क्षेत्रभित्र बुधबारदेखि औषधि छर्कने अभियान शुरु गरेको हो । नगरपालिकाको जनस्वास्थ्य शाखा प्रमुख ईश्वरी पौडेलका अनुसार बुधबार भद्रपुरको वडा नं ७ र १० मा औषधि छरिएको छ । त्यस्तै, ९ गते ५ र ६, १० गते ८ र ९, ११ गते ३ र ४, १२ गते १ र २, १३ गते ७ र १०, १४ गते ५ र ६, १५ गते ८ र ९, १६ गते ३ र ४ मा र १७ गते छुटेका क्षेत्रमा औषधि छर्कने कार्यक्रम रहेको छ ।

एडिज एजिप्टाई लामखुट्टेको टोकाइले एक व्यक्तिबाट अर्कोमा सर्ने डेंगु भाइरसको संक्रमण १० महिनायता देशभर ८ सय ५४ जनामा भएको इपिडिमियोलोजी तथा रोग नियन्त्रण महाशाखाले जनाएको छ । यसपटक मनसुन ढिलो सकिने भई जताततै पानी जमेकाले डेंगु संक्रमण केही दिन लम्बिन सक्ने बताइएको छ ।

प्रतिकृया दिनुहोस

साताको लोकपृय

आज असार २० गते शनिबार, शनिदेवको पुजा गर्दै आजको राशीफल हेर्दा यस्तो हुन्छ फाइदा

Rashi sabibar shanidev

मेष (चु, चे, चो, ला, लि, लु, ले, लो, अ) मन पर्ने वस्त्र, अलङ्कार आदि उपहार पाइने योग छ । स्वादिष्...