ओली सोध्छन्, ‘प्रधानमन्त्री ज्यू, तपाईलाई कुस्ती खेल्न मन्त्री चाहिएको हो ?’

काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवालाई आजदेखि संसद् सकिएको अवस्थामा सरकारमा मन्त्री किन थप्नु भएको भनी प्रश्न गरेका छन् ।

‘आजैदेखि संसद सकिँदैन, तपाईलाई किन बहुमत चाहियो ?’ उनले भने, ‘लिष्ट गइहालेछ, ध्यान पुगेन होला, कहिलेकाही त चिप्लिएर ८ वटा नाम गएछ होला, फिर्ता लिनुस् ।’

व्यवस्थापिका संसदको अन्तिम बैठकमा सम्बोधन गर्दै ओलीले भने, ‘के तपाईले मन्त्रीकै जुलुस गर्न लाग्नु भएको हो र ? ओलीले संसद् सकिन लाग्दा निर्वाचन गराउन मन्त्री थप्नुपर्ने अवस्था नभएको पनि बताए । ‘प्रधानमन्त्री ज्यू, किन चाहियो तपाईलाई यति धेरै मन्त्री ?’ उनले भने, ‘तपाईलाई कुस्ती खेल्न मन्त्री चाहिएको हो ?’