प्रधानमन्त्री देउवा र राजपा नेताहरुबीच भेट

काठमाडौं । प्रधानमन्त्री शेरबहादुर देउवा र राष्ट्रिय जनता पार्टी नेपाल राजपा का नेताहरुबीच भेटवार्ता सुरु भएको छ ।

दोस्रो चरणको स्थानीय तहको निर्वाचन र संविधान संसोधन लगायतका विषयमा छलफल हुने कार्यक्रम रहेको छ ।

छलफलका लागि प्रधानमन्त्री देउवाको निमन्त्रणामा राजपा नेताहरु सिंहदरबार पुगेका छन् । संविधान संसोधन नभएमा चुनावमा भाग नलिएर आन्दोलनमा जाने चेतावनी दिएका राजपा नेताहरुलाई वार्ताको लागि प्रधानमन्त्रीले बोलाएका हुन् ।

प्रधानमन्त्री देउवाले शुक्रबार संसदमा संबोधन गर्दै दोस्रो चरणको निर्वाचनपछि संविधान संशोधन गर्न सकिने बताएका थिए । त्यसलगत्तै राजपा नेताहरुले चुनावमा भाग नलिएर आन्दोलनमा जाने चेतावनी दिएका थिए। शनिबार प्रधानमन्त्री देउवा र राजपा नेताहरु बीच कसरी अघि बढ्ने भन्ने विषयमा छलफल हुन थालेको हो।