ओलीलाई प्रधानमन्त्रीको प्रश्न, आयोगलाई भरतपुरमा पुनः मतदान गर्न दवाव दिएको पुष्टि गर्नुहुन्छ ?

Prachanda

काठमाडौं । प्रधानमन्त्री पुष्पकमल दाहाल प्रचण्डले भरतपुरमा मतपत्र च्यातिएको विषयमा आफुले दवाव दिए भन्ने कुरा पुष्टि गर्न एमालेलाई चुनौती दिएका छन् ।

प्रधानमनत्री दाहालले आफुले के गरे भन्ने कुरा निर्वाचन आयोगलाई राम्ररी थाहा भएको र त्यैपनि प्रतिपक्ष दलका नेताले त्यसलाई नारा बनाइरहेकाले त्यसलाई पुष्टि गर्न चेतावनी दिएका हुन् ।

‘केपीजीले खोज्न सक्ने अरु केही छ भन्ने लाग्छ भने खोजे हुन्छ’, प्रधानमन्त्री दाहालले भने, ‘निर्वाचन आयोगका अधिकृतहरुले प्रतिवेदन बुझाएकै छन्, त्यसबाट चित्त बुझ्दैन भने चित्त बुझाउने ठाउँ अदातल छ, जहाँ तपाईहरु जानुभएकै छ ।’

उनले भरतपुरमा मतपत्र च्यातिनु गलत भएको भन्दै आएको पनि बताए । ‘मैले आयोगलाई तपाईलाई जे लाग्छ, त्यही गर्नुस भनेको छु’ प्रधानमन्त्री दाहालले भने, ‘मैले कुनै कुरामा दवाव दिएको छैन । आमी शान्ति प्रतिको निष्ठा, लोकतन्त्र प्रतिको निष्ठाप्रति हामी प्रतिवद्ध छौं, त्यही भएर हामीले मतपत्र च्यात्ने कल्पनासमेत गर्न सक्दैनौं ।’

प्रतिकृया दिनुहोस