प्रधानमन्त्रीको राजीनामा सिंहदरवारबाट

काठमाडौं । प्रधानमन्त्री पुष्पकमल दाहाल प्रचण्डले संसद सुचारु नभए सिंहदरवारबाटै राजीनामा दिने भएका छन् ।

प्रधानमन्त्रीले बोलाएको तीन दलको बैठकमा नेकपा एमालेका अध्यक्ष केपी शर्मा ओली अनुपस्थित भएपछि प्रधानमन्त्रीले सिंहदरवारमा देशवासीको नाममा सम्बोधन गर्दै राजीनामा दिन लागेका हुन् ।

प्रधानमन्त्री प्रचण्डले मंगलबार संसदलाई सम्बोधन गर्दै राजीनामा दिने तयारी गरेको भए पनि एमालेले अवरोध गर्ने भएपछि प्रधानमन्त्रीले राजीनामा दिन सकेका थिएनन् ।

संसदलार्इ सम्बोधन गर्न नदिइए प्रधानमन्त्रीले सिंहदरबारबाटै देशबासीलाई सम्बोधन गर्दै राजीनामा दिने तयारीमा लागेको बताइएको छ ।